Gwybodaeth am deithio ar gyfer
Prifysgol Abertawe

Cynllun a gaiff ei redeg gan Lywodraeth Cymru yw fyngherdynteithio, sy’n galluogi unrhyw berson ifanc 16 - 21 oed i arbed o leiaf 1/3 ar bris tocynnau bws yng Nghymru!

Mae’n syml iawn – gwnewch gais ar-lein yma ac fe gewch chi’r cerdyn cyn pen 10 diwrnod gwaith. Ar ôl cael eich cerdyn, dangoswch ef i’r gyrrwr ar eich bws!

Y cyfan y mae arnoch ei angen i wneud cais yw cyfeiriad yng Nghymru a llun sy’n addas i’w lanlwytho.

Gallwch gael gwybod mwy am y cerdyn yma.

Mae bob amser yn bwysig eich bod yn mynegi eich barn, oherwydd eich gwasanaethau CHI yw’r rhain wedi’r cyfan. Edrychwch ar y cynnydd a wnaed ers 2014 o safbwynt gwasanaethau bws y Brifysgol.

UNISURVEYcym.pdf

I weld map o wasanaethau bws Prifysgol Abertawe, cliciwch yma.  I gael gwybodaeth am amserlenni, chwiliwch am rif y gwasanaeth ar wefan Traveline Cymru.

Anfonwch y cod mewn neges destun i 84263* ac fe gewch chi ateb sy’n nodi’r 4 bws nesaf a ddylai gyrraedd yr arhosfan!

Os ydych ar Gampws Singleton ac am deithio i’r mannau canlynol:
Gorsaf Fysiau Abertawe, Ysbyty Treforys: TECSTIWCH swatdad
Pentref Myfyrwyr Hendrefoilan: TECSTIWCH swadgwm

Os ydych ym Mhentref Myfyrwyr Hendrefoilan ac am deithio i’r mannau canlynol:
Gorsaf Fysiau Abertawe: TECSTIWCH swapgap
Dynfant, Y Crwys: TECSTIWCH swatgat

 

I ddod o hyd i god arhosfan arall, defnyddiwch chwiliwr arosfannau bysiau Traveline Cymru.

I gael gwybodaeth am docynnau ar gyfer FirstCymru, cliciwch yma.

I gael gwybodaeth am docynnau ar gyfer NAT Group, cliciwch yma.

 

Mae New Adventure Travel wedi cytuno i gynnig rhai prisiau teithio rhatach i’n staff a’n myfyrwyr. Dyma’r manylion:

 

Tocyn un ffordd ar unrhyw ran o wasanaethau Gŵyr neu’r T6 mor bell ag Ystradgynlais - £2

Tocyn diwrnod Abertawe a Chastell-nedd – Castell-nedd yw’r ffin ar wasanaeth y T6 a Thre-gŵyr yw’r ffin ar rwydwaith Gŵyr - £3 am y diwrnod cyfan

Tocyn wythnos Abertawe a Chastell-nedd – fel uchod - £10 am yr wythnos gyfan

Tocyn diwrnod Abertawe, Castell-nedd a Gŵyr, sy’n cynnwys rhwydwaith cyfan Gŵyr - £4 am y diwrnod cyfan

Tocyn wythnos Abertawe, Castell-nedd a Gŵyr – fel uchod - £15 am yr wythnos gyfan

 

Bydd yr holl docynnau a nodwyd ar gael i staff a myfyrwyr Prifysgol Abertawe dim ond iddynt ddangos carden adnabod.

I gael gwybodaeth am docynnau ar gyfer FirstCymru, cliciwch yma.

I gael gwybodaeth am docynnau ar gyfer NAT Group, cliciwch yma. 

I gynllunio taith ar y trên, ewch i Traveline Cymru a dewiswch ‘Trên yn unig’. I gael rhagor o wybodaeth am docynnau, ewch i Trenau Arriva Cymru. 

Casgliad lliwgar o feiciau un cyflymder yw Beiciau’r Bae, sydd ar gael i’r staff a’r myfyrwyr eu defnyddio’n rhad ac am ddim o amgylch Bae Abertawe. Mae beiciau o sawl maint ar gael rhwng 10am a 4pm o ddydd Llun i ddydd Gwener am uchafswm o 3 awr ar y tro. Gellir darparu helmedau, goleuadau a chloeon hefyd.

I gael rhagor o wybodaeth, cliciwch yma.

Os ydych am feicio ond nad ydych yn awyddus i wneud hynny ar eich pen eich hun, beth am greu grŵp defnyddwyr beic gan ddefnyddio’r Cynllun BUDi? Ewch i’r wefan a chofrestrwch eich taith trwy ddewis yr opsiwn beicio.

I weld y llwybrau beicio sydd ar gael yn lleol, ewch i Cycle Swansea Bay.

Gall myfyrwyr sydd â chardiau adnabod dilys brynu beic am bris rhatach mewn siopau beiciau sy’n cymryd rhan yn y cynllun disgownt. I gael rhagor o wybodaeth ynghylch pa siopau sy’n cynnig pa ddisgownt, cliciwch yma.

Cyn mentro allan ar eich beic, darllenwch y cynghorion pwysig hyn ynghylch diogelwch.

Os ydych am gerdded ond nad ydych yn awyddus i wneud hynny ar eich pen eich hun, beth am greu grŵp cerdded gan ddefnyddio’r Cynllun BUDi? Ewch i’r wefan a chofrestrwch eich taith trwy ddewis yr opsiwn cerdded.

 

I gael cynghorion ynghylch diogelwch, cliciwch yma.

Gallwch gael rhagor o wybodaeth am dacsis yn Abertawe yma.

Gallwch gael rhagor o wybodaeth am aros yn ddiogel yma.

Gallwch weld pob safle tacsis lleol yma.

Os ydych mewn sefyllfa argyfyngus, dangoswch eich cerdyn myfyriwr i unrhyw un o yrwyr Data Cabs neu First Cymru Bus er mwyn cael lifft adre, a chewch ad-dalu pris y tocyn i Undeb y Myfyrwyr drannoeth.

 

Darllenwch y cynghorion ynghylch diogelwch sydd i’w gweld yma.

Mae Prifysgol Abertawe yn annog pob myfyriwr i ddefnyddio trafnidiaeth gyhoeddus gymaint ag sy’n bosibl. Yn unol â pholisi’r Brifysgol ers amser, nid oes lleoedd parcio ar gael i fyfyrwyr ar y naill gampws na’r llall, ar wahân i leoedd parcio ar gyfer myfyrwyr sydd ag anableddau.

Mae gwybodaeth am leoedd parcio eraill i’w gweld isod.

Ffordd Fabian
Mae cyfleuster Parcio a Theithio ar gael ar Ffordd Fabian, nad yw’n bell iawn o Gampws y Bae. Mae’r cyfleuster yn costio £2.50 y dydd am bob car os ydych am deithio i ganol y ddinas. Os ydych am ddefnyddio’r cyfleuster Parcio a Theithio er mwyn teithio i Gampws y Bae, bydd yn costio £1.50 y dydd yn ychwanegol am bob car.  

Gall myfyrwyr Prifysgol Abertawe barcio ar safleoedd Parcio a Theithio a defnyddio gwasanaeth bws arferol First Cymru i deithio i’r naill gampws neu’r llall. Cyfanswm y gost yw £4.00 – £2.50 i barcio a £1.50 i fynd ar y bws. Dyma gyfanswm y gost ar gyfer pawb sydd yn y car – hyd at uchafswm o 5 person.

Y Rec
Mae safle Parcio a Theithio’r Rec 7-8 munud o waith cerdded o Gampws y Parc. Mae’n costio £3.50 i barcio yno am y dydd, £2.50 os ydych yn rhannu car (h.y. os oes mwy nag un person yn y car) a £2.00 ar ôl 2.00pm.

Yn ogystal â bod yn gyfleus i Gampws y Parc, mae hefyd yn lle da i barcio a dal y bws i Gampws y Bae, oherwydd mae arhosfan bysiau y tu allan i faes San Helen.

Os oes gennych ddiddordeb mewn rhannu car, ewch i Gynllun Rhannu Cerbyd Prifysgol Abertawe.