Gwybodaeth am deithio ar gyfer
Prifysgol De Cymru: Caerdydd

Cynllun a gaiff ei redeg gan Lywodraeth Cymru yw fyngherdynteithio, sy’n galluogi unrhyw berson ifanc 16 - 21 oed i arbed o leiaf 1/3 ar bris tocynnau bws yng Nghymru!

Mae’n syml iawn – gwnewch gais ar-lein yma ac fe gewch chi’r cerdyn cyn pen 10 diwrnod gwaith. Ar ôl cael eich cerdyn, dangoswch ef i’r gyrrwr ar eich bws!

Y cyfan y mae arnoch ei angen i wneud cais yw cyfeiriad yng Nghymru a llun sy’n addas i’w lanlwytho.

Gallwch gael gwybod mwy am y cerdyn yma.

I gael gafael ar amserlenni, ewch i wefan Traveline Cymru yma.

I gael rhagor o wybodaeth am deithio ar fysiau, ewch i wefan y Brifysgol yma.

Fel y mae’r enw yn awgrymu, mae Bws Caerdydd yn darparu gwasanaethau bws yng nghanol y ddinas a’i maestrefi ac i amryw fannau y tu allan i’r ddinas (e.e. Casnewydd, Penarth, Dinas Powys, Y Barri, Sain Tathan a Llanilltud Fawr).

Mapiau o rwydwaith Bws Caerdydd
Bws Caerdydd (gwasanaethau ac amserlenni)

Mae nifer o ddarparwyr eraill yn cynnig gwasanaethau bws rhwng Caerdydd ac ardaloedd cyfagos. 

Stagecoach

I gael gwybodaeth am unrhyw deithiau eraill pellter hir ar fysiau, ewch i wefan National Express neu Megabus. 

·Ar y trên – Mae’n cymryd rhyw 10 munud i gerdded o gampws Caerdydd i orsaf reilffordd Heol y Frenhines Caerdydd a gorsaf Caerdydd Canolog. Mae gwasanaethau rheolaidd yn mynd i’r cymoedd drwy Drefforest ac mae’r gwasanaeth i Bristol Temple Meads yn mynd drwy Gasnewydd.

· Ar y bws – Mae gwasanaeth 132 Stagecoach yn teithio o ganol dinas Caerdydd. Mae bysiau’n aros ar Llantwit Road y tu allan i gampws Trefforest.

· Ar y beic – Mae Llwybr Beicio Cenedlaethol 8 yn rhedeg heibio i gampws Glyn-taf ac mae’n cysylltu â Llwybr 8 Taith Taf sy’n cysylltu â champws Atriwm Caerdydd a champws Coleg Brenhinol Cerdd a Drama Cymru i’r de, a champws Coleg Merthyr Tudful i’r gogledd. Mae sied feics y mae modd ei chloi, ystafell loceri a chyfleusterau cawod ar gael ar y ddau gampws; gofynnwch yn y dderbynfa am ragor o fanylion. Gan ddefnyddio cyfuniad o Lwybr 4 a Llwybr 47 mae’n bosibl cyrraedd Casnewydd drwy Gaerffili. Ewch i wefan Sustrans i gael rhagor o fanylion.

Y prif orsafoedd trenau yng Nghaerdydd yw Caerdydd Canolog, Heol y Frenhines Caerdydd, Cathays a Bae Caerdydd.

I gynllunio taith ar y trên, ewch i Traveline Cymru a dewiswch ‘Trên yn unig’.

I gael rhagor o wybodaeth am docynnau, ewch i Trenau Arriva Cymru, National Rail neu Split Ticketing.

I gael rhagor o wybodaeth, ewch i wefan y Brifysgol yma.

I gynllunio taith ar y beic, ewch i Cycle Streets.

Mae’n hawdd beicio i’r Brifysgol diolch i rwydwaith cynhwysfawr o lwybrau beicio a llwybrau ceffylau sy’n cysylltu â Chaerdydd o bob cyfeiriad. Cymerwch gip ar lwybrau’r Rhwydwaith Beicio ar Sustrans i gael rhagor o wybodaeth.

Mae gât y mae modd ei chloi yn diogelu’r cabanau beiciau yn yr Atriwm ac Atlantic House. Er mwyn cael cerdyn i agor y gât, bydd angen i chi lenwi Ffurflen y Cynllun Cofrestru Beiciau Myfyrwyr yn gyntaf. Ar ôl llenwi’r ffurflen gais, cysylltir â chi’n fuan i drefnu eich bod yn casglu eich cerdyn a fydd yn eich galluogi i gael mynediad i’r caban. Sylwch y byddwn yn codi tâl o £5 am unrhyw gardiau a gaiff eu difrodi neu’u colli.

Os ydych yn cael unrhyw drafferthion, cysylltwch â Derbynfa’r Atriwm ar 01443 668543. Mae loceri ar gael yn y caban beiciau a gall beicwyr gael cawod yn rhad ac am ddim ar ail lawr adeilad yr Atriwm.

Mae’n hawdd iawn cerdded o gwmpas dinas Caerdydd. Mae bron popeth o fewn pellter hwylus i’w gilydd yng nghanol y ddinas, ac mae modd cerdded i’r rhan fwyaf o ardaloedd preswyl sy’n boblogaidd gyda myfyrwyr mewn hanner awr.

Yn ogystal, ceir llwybrau troed â golygfeydd prydferth drwy barciau neu ar hyd camlesi.

Mae Dragon Taxis yn darparu cynllun tacsis diogel os ydych mewn argyfwng ac os oes angen i chi deithio adref. Gellir cael rhagor o wybodaeth yma.

Ychydig o leoedd parcio sydd ar y campws, ond gellir parcio yn y maes parcio NCP gyferbyn â’r campws am £7 y dydd.

Os oes angen unrhyw wybodaeth bellach arnoch am barcio ar y campws, parcio os oes gennych anableddau neu barcio oddi ar y campws, ewch i’r wefan hon.

Gallwch gael rhagor o wybodaeth am yrru car yma.

Mae angen trwydded barcio mewn rhai ardaloedd, ac mae rhagor o wybodaeth i’w chael yma.

Gellir cael gwybodaeth am safleoedd Parcio a Theithio yn y ddinas ar wefan Cyngor Caerdydd.

Os oes gennych ddiddordeb mewn rhannu car, ewch i’r wefan hon.

Mae Uber yn cynnig codau teithio am ddim ar Google Maps, sy’n gwahodd pobl i rannu teithiau car. Gellir cael rhagor o wybodaeth yma.