Gwybodaeth am deithio ar gyfer
Prifysgol De Cymru: Trefforest

Cynllun a gaiff ei redeg gan Lywodraeth Cymru yw fyngherdynteithio, sy’n galluogi unrhyw berson ifanc 16 - 21 oed i arbed o leiaf 1/3 ar bris tocynnau bws yng Nghymru!

Mae’n syml iawn – gwnewch gais ar-lein yma ac fe gewch chi’r cerdyn cyn pen 10 diwrnod gwaith. Ar ôl cael eich cerdyn, dangoswch ef i’r gyrrwr ar eich bws!

Y cyfan y mae arnoch ei angen i wneud cais yw cyfeiriad yng Nghymru a llun sy’n addas i’w lanlwytho.

Gallwch gael gwybod mwy am y cerdyn yma.

I ddod o hyd i amserlenni, ewch i wefan Traveline Cymru yma.

I gael rhagor o wybodaeth am deithio ar y bws, ewch i wefan y brifysgol yma.

Mae llawer o ddarparwyr eraill yn darparu gwasanaethau bws i Gaerdydd a’r cyffiniau ac yn ôl. 

Mae un o’r prif ddarparwyr gwasanaethau yng Nghasnewydd – New Adventure Travel – hefyd yn darparu gwasanaethau mewn ardaloedd eraill yn y de a’r gorllewin. Gallwch weld map o rwydwaith New Adventure Travel yma.

Map gwasanaeth

Mae rhagor o wybodaeth i’w chael yma.

I weld manylion unrhyw daith bell arall ar fws, ewch i wefan National Express neu Megabus.

Mae’r arhosfan bysiau agosaf i gampws Glyn-taf ar Cardiff Road, lle mae gwasanaeth bws 132 yn teithio i Gaerdydd a Merthyr. Mae bysiau’n aros ar Llantwit Road y tu allan i gampws Trefforest, lle mae gwasanaeth bws 100 yn teithio i Bontypridd a Talbot Green.

Y prif orsafoedd trenau yw Trefforest a Phontypridd. Mae’r holl reilffyrdd yn gwasanaethu’r ddwy orsaf hyn.

I gynllunio taith ar y trên, ewch i Traveline Cymru a dewiswch ‘Trên yn unig’.

I gael rhagor o wybodaeth am docynnau, ewch i Trenau Arriva Cymru, National Rail neu Split Ticketing.

Mae’n cymryd tua 10 munud i gerdded o gampws Trefforest a champws Glyn-taf i’r orsaf reilffordd yn Nhrefforest, lle gellir dal gwasanaeth rheolaidd ar rwydwaith rheilffyrdd y cymoedd sy’n cysylltu â Chaerdydd, Casnewydd, Baglan a lleoliadau eraill ar y brif linell drwy orsaf Caerdydd Canolog.

I gynllunio taith ar y beic, ewch i Cycle Streets.

Mae Llwybr Beicio Cenedlaethol 8 yn rhedeg heibio i gampws Glyn-taf ac mae’n cysylltu â Llwybr 8 Taith Taf sy’n cysylltu â champws Atriwm Caerdydd a champws Coleg Brenhinol Cerdd a Drama Cymru i’r de, a champws Coleg Merthyr Tudful i’r gogledd. Mae sied feics y mae modd ei chloi, ystafell loceri a chyfleusterau cawod ar gael ar y ddau gampws; gofynnwch yn y dderbynfa am ragor o fanylion. Gan ddefnyddio cyfuniad o Lwybr 4 a Llwybr 47 mae’n bosibl cyrraedd Casnewydd drwy Gaerffili. Ewch i wefan Sustrans i gael rhagor o fanylion.

 Dyma’r llwybr mwyaf uniongyrchol o gampws Trefforest i gampws Glyn-taf:

- Gadewch gampws Trefforest drwy’r fynedfa ar Brook Street, a throwch i’r dde i gerdded i lawr Brook Street.

- Croeswch y ffordd, ac ar ôl cyrraedd y pen trowch i’r chwith er mwyn cerdded tuag at yr orsaf.

- Ewch i mewn i’r orsaf a chroeswch dros y rheilffordd gan ddefnyddio’r bont i gerddwyr.

- Unwaith y dewch chi allan o’r orsaf, croeswch y ffordd a cherddwch i lawr Castle Street (stryd fach â’r Siop Binc ar y gornel)

- Ar ddiwedd y ffordd, croeswch y stryd (gan bwyll: mae trigolion lleol wedi nodi y dylid cymryd gofal arbennig wrth groesi yn y fan hon) a defnyddiwch y groesfan i gerddwyr dros afon Taf.

- Unwaith y byddwch wedi croesi’r afon, trowch i’r chwith gan ddilyn y llwybr troed ar hyd yr afon.

- Ar ôl cyrraedd y pen, croeswch y ffordd a chadwch i’r dde er mwyn croesi’r slipffyrdd sydd ar gau.

- Dilynwch y llwybr i fyny drwy’r llain laswellt, ac ar ben y bryn bach hwn croeswch y ffordd a throwch yn siarp i’r dde i fynd ar hyd Cemetery Road.

- Mae campws Glyn-taf ar y dde.

Mae’r Maes Parcio i Fyfyrwyr ac Ymwelwyr ar gampws Trefforest gyferbyn â’r brif fynedfa i’r Brifysgol ar Llantwit Road. Ni cheir unrhyw gyfleusterau parcio i fyfyrwyr (ar wahân i fyfyrwyr ag anableddau) ar y campws ei hun.

Hoffem atgoffa myfyrwyr nad oes modd i’r Brifysgol warantu lle parcio gan mai ychydig iawn o leoedd sydd ar gael.